話說早排同朋友研究一張明信片上嘅香港相片，到底係幾時影嘅。
雖則我同朋友都同意（亦幾肯定）係20世紀初影嘅，但對於實際幾時就有唔同睇法。最後我哋都係要靠搵舊相同舊地圖先有解。
對於歷史研究嘅人嚟講，研究地圖係一個重要嘅手段，地圖（由其係特定用途地圖，例如規劃圖、軍事地圖等）可以展現一個特定研究區域嘅環境、社會與文化特徵，將唔同時間點嘅地圖之間嘅差異作比較，就可以分析到喺區域改變嘅可能性；即使用同一時期點嘅地圖，去比較唔同區域，亦都可以了解到各個區域嘅環境特性，以及區域之間嘅發展（改變）差異。即使歷史以外嘅領域，地圖研究都係其中一個重要嘅輔助手段，例如政策研究、城市規劃等。
或者講地圖研究好似太學術、太悶，不過凡事都有例外嘅。YouTube 上有個名為「MAP MEN」嘅短片系列，由兩個英國人 —— 準確嚟講係兩個研究地理嘅英國喜劇演員（？！）所製作，每條片都只係短短幾分鐘，用有趣又搞笑嘅方式，講歷史上出現過嘅好笑又奇怪嘅地圖。有啲真係唔講唔知。
當地圖都可能有錯，或者睇落「亂過七國」，發掘下你手上嘅地圖（我諗對一般人嚟講，都不外乎 Google Map 或者 Apple Map 吧），或者都會搵到同你日常生活有關，但又「令舍不同」嘅地方。
Hong Kong Historic Maps：http://www.hkmaps.hk/
MAP MEN：
